Данияр Елеусіновтің келесі жекпе-жегі өтетін уақыты мен орны жария етілді.

Қазақстандық боксшы Данияр Елеусінов келесі жекпе-жегін 6 маусымда Лондонда өткізеді. Бұл туралы Twitter желісінде оның промоутері Эдди Хирн хабарлады, — деп жазады tengrinews.

27 жастағы отандасымыз York Hall орталығындағы бокс кешінің андеркартында жұдырықтасады, бұл кештің басты жекпе-жегі — Британ достастығы чемпионы және жартылай ауыр салмақта WBA Continental чемпионы титулы үшін Лоуренс Околи (8-0, 6 КО) мен Люк Уоткинстің (13-0, 9 КО) кездесуі. Қазақстандықтың қарсыласы әзірше белгісіз. Еске сала кетейік, бүгін, 29 сәуірде Олимпиада чемпионы қазақстандық Данияр Елеусінов кәсіпқой бокстағы алғашқы жекпе-жегінде қарсыласы Ноа Киддті нокаутқа түсірген еді. Елеусінов — Ноа кездесуі алты раундқа есептелген еді, алайда үшінші раунда аяқталды. 27 жастағы қазақстандық қарсыласын нокдаунға түсіріп, кейін соққысын үдеткен еді. Екінші нокдауннан кейін рефери есеп алып, Елеусіновке техникалық нокаутпен жеңісті берді.


04.05.2018 23:41 жарияланды
0 рет көрілген

Бөлсіңіз:

Добавить комментарий

Для отправки комментария вам необходимо авторизоваться.


Pедакторы: Сұлтан Ұланұлы
Телефон: 8(778)6241825
Почта: 052893@mail.ru
Яндекс.Метрика