Қарағандыдағы ферроқорытпа зауытындағы апатқа байланысты арнайы комиссия тексеріс жүргізуде
20 шілде күні сағат 04:10-да YDD Corporation ферроқорытпа зауытында кенеттен жалын шығып, 8 жұмысшы әртүрлі дәрежеде жарақат алған болатын. Қазіргі уақытта оның 3-еуі ауыр жағдайда, ал 5-еуі аса ауыр хәлде жансақтау бөлімінде жатыр.
Зауыттағы оқыс оқиғаға қатысты қылмыстық іс қозғалды. Апатқа байланысты тергеу жұмыстары аймақ басшысының тұрақты бақылауында. Комиссия құрамында мемлекеттік инспекторлар, өндірістік қауіпсіздік, төтенше жағдайлар департаментінің, құқық қорғау органдарының өкілдері және жұмысшылар бар.
