Қарағанды облысы бойынша референдумда дауыс берудің алдын ала нәтижесі
20:00-де АЭС бойынша референдумда дауыс беру аяқталды, барлық учаскелер жабылды. Орталық референдум комиссиясы сағат 21:00-дегі жағдай бойынша алдын ала қорытындыларды жариялады. Аумақтық комиссиялар ұсынған деректерге сәйкес, Қарағанды облысы бойынша референдумға қатысушылардың саны 72,12%-ды құрады.
Естеріңізге сала кетейік, облыста дауыс беру 650 учаскеде өтті. Облыстық сайлау комиссиясының мәліметінше, референдумға қатысушылардың тізімінде 760 мыңнан астам тұрғын тіркелген
Дауыс беру процесін тәуелсіз бақылаушылар қадағалады. Барлық учаскелерде мүгедектігі бар адамдар үшін жағдай жасалған. Арнайы жәшіктері бар комиссия мүшелері үйде дауыс беру үшін қарт адамдарға барды.
