Қарағанды облысының жастары демалыста қайда және қалай жұмыс істей алады?
Жазғы демалыста Қарағанды облысының оқушылары мен студенттеріне алғашқы еңбек тәжірибесін алуға мүмкіндік бепіледі. 16 жастан асқан жастар жазға мансап орталықтары арқылы, ал 14 жастан асқан жасөспірімдер «Жасыл ел» жасақтарында жұмыс істей алады.
Облыстың Мансап орталықтары жұмыс берушілер мен жастардан маусымдық қоғамдық жұмыстарға қатысуға өтінімдер қабылдай бастады. Жұмыс іздеушілер үшін негізгі талап – 16 жастан жоғары және қажетті құжаттардың болуы. Қосымша жұмыс кәсiби даярлықты талап етпейдi және үш айға дейiн созылады.
Жастар курьер, агент болып жұмыс істей алады, сондай-ақ мемлекеттік немесе жеке меншік ұйымдарға жіберілуі мүмкін. Қызмет түрі өтініш білдірген кезде таңдалады – орталықтардың қызметкерлері қолжетімді бос жұмыс орындарын ұсынады.
Еңбекақы айына шамамен 40 АЕК құрайды.
Жұмысты бастау үшін ата-анасының рұқсаты (егер 18 жаста болмаса), жеке куәлігі немесе туу туралы куәлігі, оқыған орнынан анықтамасы және банк шотының болуы қажет.
Толық ақпарат алу үшін (8-7212) 60-50-50, WhatsApp: +7-775-644-35-80 телефондарына хабарласуға болады.
Жазғы жұмыспен қамтудың екінші бағыты – «Жасыл ел» экологиялық отрядтарына қатысу. Қабылдау аяқталды, тізімдер құрылды. Маусым айының бірінен бастап жауынгерлер абаттандыру және көгалдандыру жұмыстарын бастайды.
Жұмыспен қамту және еңбекақы төлеу бойынша Қарағанды облысы елімізде көшбасшы орында тұр. 2024 жылы жобаға 4800 адам қатысты, 2025 жылы 5000-ға жуық жасөспірімді жұмыспен қамту жоспарланып отыр. Қарағандыда – 2000 адам, Балқашта – 1000 адам.
