Қазақ күресінен «Орталық» өңірлік қолбасшылығының чемпионаты өз мәресіне жетті

   Биылғы жылдың 13 наурызында  Петропавл қаласында өткізілген Қазақстан Республикасы Ұлттық ұланы «Орталық» өңірлік қолбасшылығына қарасты әскери бөлімдер арасында қазақ күресі бойынша жеке және командалық біріншілік өз мәресіне жетті. Екі күнге созылған бұл тартысты додағы Көкшетау, Қарағанды, Петропавлск, Степногорск, Теміртау, Қостанай қалаларынан келген 7 команда 40 спортшы қатысты.

Бәсекеге толы белдесулер арасында әрбір палуан боз кілемде шеберліктерін көрсетіп, келген көрермендерді тәнті етті.

• Аталмыш бұл жарыс дәстүрлі түрде жыл сайын өткізіліп отырады. Себебі Отан алдындағы борыштарын өтеп жүрген сарбаздар үшін физикалық дайындық қатты керек. Жарыс барысында барлық әскери бөлімдерден келген ұландықтар өз шеберліктерін көрсете білді. Жарыс болғандықтан жеңісте жеңілісте болады. Бұл сайыс тек мықтылардың сайысы-деп атап өтті Болат Акшиков «Орталық» өңірлік қолбасшылығы қолбасшысының орынбасары.

Тартысқа толы болған бұл сайыс қорытындысы бойынша жүлделі бірінші орында Қарағанды қаласынан келген 6505 әскери бөлімі қанжығаларына байлады, ал екінші орынды 5451 әскери бөлімінің командасы қанағат тұтты, жүлделі үшінші орынды Көкшетаулық 5510 әскери бөлімі иеленді. Жарыс жеңімпаздарына арнайы кубоктар, медальдар, грамоталар және бағалы сыйлықтар табыс етілді.

                                             ҚР ІІМ ҰҰ «Орталық» ӨңҚ Баспасөз қызметі