Қазақстандықтардың зейнетақы жинақтары азайды: жағдайды БЖЗҚ түсіндірді
Қор нақтылағандай, инвестициялық қызмет нәтижесінде, сондай-ақ валюта бағамының тұрақсыздығына және қаржы құралдарының нарықтық құнының өзгеруіне байланысты 2025 жылғы қаңтарда есептелген инвестициялық кіріс сомасы минус 284,86 млрд теңгені құрады.
«Теріс инвестициялық кірістің негізгі себептері теңгенің долларға шаққандағы бағамының 525,11-ден 518,14 теңгеге дейін нығаюына байланысты айырбас бағамының қайта бағалануы, сондай-ақ олардың кірістілігінің орта есеппен 40 базистік тармаққа артуы аясында Қазақстан Республикасы Қаржы министрлігінің мемлекеттік бағалы қағаздарының нарықтық құнының төмендеуі болып табылады. Сонымен қатар, сыртқы нарықтарда сатып алынған активтердің нарықтық құнының төмендеуі байқалды», – деп хабарлады БЖЗҚ баспасөз қызметі.
2025 жылғы 1 ақпандағы жағдай бойынша салымшылардың (алушылардың) шоттарына бөлінген ЗЗҚ зейнетақы активтерінің өткен 12 айдағы кірістілігі инфляция 8,9% болғанда 15,66% құрады.
«2025 жылғы қаңтарда салымшылардың (алушылардың) шоттарына бөлінген БЖЗҚ зейнетақы активтері бойынша кірістілік (-) 1,25%-ды құрады.БЖЗҚ баспасөз қызметі
Қор қаңтарда «АҚШ президенті Трамптың тарифтер енгізу және күшті еңбек нарығы туралы қоқан-лоққылары аясында нарық құбылмалылық танытты» деп түсіндірді.
«2025 жылғы 1 ақпандағы жағдай бойынша Қазақстан Республикасы Ұлттық Банкінің (ҚҰБ) сенімгерлік басқаруындағы БЖЗҚ-ның зейнетақы активтері 22 282,04 млрд теңгені құрады.БЖЗҚ баспасөз қызметі
2025 жылдың 12 ақпанында Қаржы нарығын реттеу және дамыту агенттігі қазақстандықтарға зейнетақы активтерін инвестициялаудың әртүрлі сценарийлерін таңдау құқығы берілетінін хабарлады.
