Ұландықтар бір күнде екі телефонды иелеріне қайтарды

     Астана қаласында қызмет атқарып жүрген ұландықтар қырағылық танытуларын жалғастыруда. Мәселен ағымдағы жылдың 23 қараша күні елордамыздың тыныштығын күзетіп жүрген ұландықтар, бір күнде екі телефонды иелеріне қайтарды.

Ең алдымен Қазақстан Республикасы Ұлттық ұланы «Орталық» өңірлік қолбасшылығына қарасты Теміртау қаласында орналасқан 5516 әскери бөлімінің әскери қызметкерлері сағат 20:20 шамасында кіші сержант Жамалбек Ернұр бастаған әскери жасақ өзінің серіктестері қатардағы жауынгерлер Гаврилятов Александр және Фахрутдинов Эльдар мен бірге қала көшелерінің бірінен «Iphone 13» маркалы ұялы телефон тауып алады.

Табылған ұялы телефон туралы ұландықтар бірден патруль топ бастығына баяндап, телефон иесін іздей бастайды. Арада көп уақыт өтпестен, әскери жасақ, ұялы телефон иесін тауып, ұялы телефонды қайтарады.

Дәл осындай қырағылықты 5451 әскери бөлімінің кіші сержант Бижанов Архат бастаған әскери жасақ өзінің серіктестері ефрейтор Оралбеков Нұрасыл және ефрейтор Тулубаев Диас пен бірге Сарыарқа ауданының көшелерінен ұялы телефон тауып иесіне қайтарады. Осылайша, ұландықтар бір күнде екі ұялы телефон тауып қырағылық танытты.

                                                 ҚР ІІМ ҰҰ «Орталық» ӨңҚ баспасөз қызметі