Ұландықтар Ұлы Отан соғысы ардагерін құттықтады
Ағымдағы жылдың 11 қаңтар күні Қазақстан Республикасы Ұлттық ұланы “Орталық” өңірлік қолбасшылығына қарасты Қостанай қаласындағы 6697 әскери бөлімінің әскери қызметкерлері Ұлы отан соғысының ардагері Сансыбай Нурушевті туған күнімен құттықтады. Ұлы Жеңістің 80 жылдығы мен пара-пар келген бұл айтулы мереке Сансыбай Нурушев үшін өте маңызды күн болды.Себебі бұл күні ардагер 99 жасқа толды.
– Бұл күн ардагеріміз үшін ғана емес біз үшінде мереке. Себебі біз бүгін жеңістің жалауын биік көтерген ардагерімізді туған күнімен құттықтадық, – деп атап өтті 6697 әскери бөлім командирінің орынбасары подполковник Ескендір Сараубеков.
Туған күн иесін 6697 әскери бөлімінің жеке құрамы атынан әскери оркестр ән шырқап, бөлім командирінің орынбасары подполковник Ескендір Сараубеков және гарнизон бастығының орынбасары майор Бірлік Чебиков арнайы құттықтаулар білдірді.
ҚР ҰҰ “Орталық” өңірлік қолбасшылығының баспасөз қызметі
