Петропавлдық ұландықтар су тасқынына қарсы іс-шараларға белсене қатысуда

Петропавл қаласында су тасқынының алдын алу шараларына Қазақстан Республикасы Ұлттық ұланы «Орталық» өңірлік қолбасшылығына қарасты 6637 әскери бөлімінің сарбаздары да қосылды. Петропавл қаласында көктемгі су тасқынын болдырмау үшін жүргізілетін дайындық жұмыстарында әскери қызметшілер белсенді атсалысып жатыр.

Ұлттық ұланның 6637 әскери бөлімінің сарбаздары Тепличное ауылында ұйымдастырылған  жұмыстарға белсенді қатысып, 7000 мыңнан астам құм толтырылған қаптарды әзірлеуге үлес қосты.

• Бұл шаралар көктемдегі су тасқынының алдын алу үшін маңызды рөл атқарады. Құм толтырылған қаптар қала мен оның маңайындағы су басу қаупі бар аймақтарды қорғау үшін арнайы дайындалған. Осылайша, ұлттық ұлан сарбаздары өздерінің әскери қызметтерін тек қана мемлекетті қорғаумен шектелмей, әлеуметтік маңызды міндеттерді орындауға да дайын екенін көрсетуд- деп атап өтті әскери бөлім командирінің тәрбие және әлеуметтік құқықтық жұмыс жөніндегі орынбасары подполковник Шухрат Ашимов .

Ұлттық ұланның сарбаздары мен қызметкерлері бұл жұмыстарға атсалысу арқылы өздерінің кәсіби шеберліктерін әрі азаматтық жауапкершіліктерін көрсетуде. Құм толтырылған қаптармен  қатар, әскери қызметшілер су басқан аумақтарда қауіпсіздік шараларын күшейтуге де көмек көрсетеді. Бұл шаралардың басты мақсаты — көктемгі су тасқыны кезінде зардап шеккен тұрғындарға көмек көрсету және олардың мүлкін қорғау.

                                                ҚР ІІМ ҰҰ «Орталық» ӨңҚ Баспасөз қызметі