Президенттің 2024 жылғы Жолдауы: Қоғамдық тәртіп және цифрландыру
Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын және өзге де тапсырмаларын жүзеге асыру шеңберінде қоғамдық тәртіпті қамтамасыз ету саласына цифрлық технологияларды енгізуге ерекше көңіл бөлінуде.
Бүкіл ел бойынша бейнебақылау желісі кеңеюде: 19 мыңнан астам камера адамның бет жүзін тануға, өзге де заттарды зерделеуге, тіпті көлік ағындарын талдауға қабілетті жасанды интеллектімен жабдықталған.
⚡️ Бұл жүйелерді жедел басқару орталықтарымен біріктіру болып жатқан оқиғаларға нақты уақыт режимінде жауап беруге мүмкіндік береді. Полиция қызметкерлері заманауи планшеттермен және смарт-жетондармен жабдықталған. Бұл жұмыстың ұтқырлығы мен тиімділігін арттырады.
Азаматтарға ыңғайлы болу үшін «102» мобильді қосымшасына, сондай-ақ eGovMobile және екінші деңгейдегі банктердің қолданбасына «Заң және тәртіп» сервисі енгізілген. Енді кез-келген адам құқық бұзушылық туралы «бір батырма» арқылы хабарлай алады. Бұл қоғам мен құқық қорғау органдары арасындағы байланысты едәуір жеңілдетеді.
«Алаяқтардың 2,2 млрд теңге көлеміндегі қаражатты есеп-шоттардан шығарып әкету әрекеттерінің жолы кесілді. Сонымен қатар азаматтардың құқықтық және қаржылық сауаттылығы да артып келеді»,
— деді Ержан Сәденов.
