Референдум – әр азаматтың үнін еститін алаң

Жаңа Конституция жобасы – жай ғана құқықтық құжат емес, бұл – мемлекет дамуының жаңа бағытын айқындайтын тарихи шешім.

Ата Заң – елдігіміздің темірқазығы. Ол билік пен халық арасындағы сенімді, әділдік пен заң үстемдігін, азаматтардың құқығы мен еркіндігін бекітетін басты құндылық. Ұсынылып отырған өзгерістер қоғам сұранысынан туындап отыр. Бұл – ашықтыққа, жауапкершілікке, тиімді басқаруға бағытталған қадам.

Ең бастысы – тағдыршешті шешімді халықтың өзі қабылдайды. Референдум – әр азаматтың үнін еститін алаң. Әр дауыс – болашаққа берілген баға, ертеңге жасалған инвестиция.

Тарих бізге сырттан жазылмайды. Оны біз өз қолымызбен қалыптастырамыз.
Сондықтан Жаңа Конституция – бұл тек заң емес, бұл – тарихи таңдау.

Н.Қалқаман,

қалалық Қоғамдық кеңес мүшесі