Тәуелсіз таңның арайы – Республика күні

Қазақстан Республикасының тарихында Республика күні – ел тағдырындағы ең маңызды белестердің бірі. Бұл күн – мемлекеттілік пен егемендіктің бастауы, халқымыздың азаттық жолындағы арманының орындалған сәтін еске салатын ұлы мереке.

1990 жылғы 25 қазанда қабылданған Мемлекеттік тәуелсіздік туралы декларация қазақ халқының ғасырлар бойғы арманын айқындап, жаңа дәуірге жол ашты. Республика күні – сол тарихи шешімнің символына айналып, елдіктің мәңгілік нышаны ретінде халқымыздың жүрегінен берік орын алды.

Тәуелсіз таңның арайы – әрбір қазақстандықтың бейбіт өмірге деген сенімі мен болашаққа үмітінің көрінісі. Бүгінгі ұрпақ сол ұлы мұраттың жалғасы ретінде ел дамуына өз үлесін қосып келеді. Мемлекеттің дамуы мен өркендеуі – халық бірлігінің, ел ішіндегі татулық пен келісімнің нәтижесі.

Республика күні – өткен тарихқа тағзым, болашаққа бағыт. Бұл мереке ел бірлігін нығайтып, жастардың бойында отансүйгіштік пен азаматтық жауапкершілік сезімін қалыптастырады.

Тәуелсіздік пен республика идеясы – елдің ең қымбат құндылықтары. Сол құндылықты сақтау мен дәріптеу – әр азаматтың парызы.

Біздің ортақ мақсатымыз – Мәңгілік Ел мұратын жүзеге асырып, Тәуелсіз таңның арайын одан әрі жарқырата түсу.