Цифрлық штаб, ЖИ туралы заң: Премьер-министр барлық салада ЖИ енгізу және цифрландыру бойынша бірқатар тапсырма берді
Президенттің 2025 жылғы Жолдауын жүзеге асыру жөніндегі шаралар қаралған Үкімет отырысында Премьер-министр Олжас Бектенов Мемлекет басшысы өз Жолдауында барлық салада жасанды интеллект пен цифрландыруды енгізуге басымдық бергенін атап өтті.
Жедел шаралар қабылдау үшін цифрлық штаб құрылды, оның аясында қазіргі таңда бірқатар шешімдер қабылданып жатыр.
Олжас Бектенов Цифрлық штаб қабылдаған барлық шешім мүлтіксіз орындалу қажеттігін атап өтті.
«Цифрлық даму министрлігі Парламент қабырғасында Цифрлық кодекстің және «Жасанды интеллект туралы» заң жобаларының пысықталуын жеделдетсін.
Цифрландыруды және жасанды интеллектіні дамыту жөніндегі «Digital Qazaqstan» тұжырымдамалық құжатын әзірлеуге кірісу керек.
Аталған құжат саланың алдағы үш жылға арналған негізгі бағыттарын қамтып, жауапкершіліктің ара-жігін нақты бөліп беруі қажет. Бұған қоса, құжатта тиісті нәтижелер де көрініс табуы керек»,
— деп атап өтті Премьер-министр.
Сонымен қатар Цифрландыру министрлігіне Жасанды интеллект және цифрлық даму министрлігін құру және құру мәселесін пысықтау тапсырылды.
Олжас Бектенов жаппай цифрландыру жаңа салалық ведомствоға ғана қатысты емес, барлық салалық мемлекеттік органдар мен өңірлердің басшыларына да жауапкершілік жүктелетінін атап өтті.
