Жаңа туризм және спорт министрі Ербол Мырзабосынов Үкіметте ант берді
Премьер-министр Олжас Бектенов Президенттің Жарлығымен кеше, 2 қыркүйекте Ербол Мырзабосынов туризм және спорт министрі болып тағайындалғанын еске салды. Бұл қызметте ол Ермек Маржықпаевтың орнына келді.
Министрлер кабинетінің басшысы мұндай қызметке алғаш кірген адам ретінде заң бойынша ант беруі керек екенін атап өтті.
«Қазақстан Республикасының халқы мен Президенті алдында бар күш-жігерім мен білімімді Отанымның өркендеуіне арнауға салтанатты түрде ант етемін. Мемлекеттің Конституциясы мен заңдарын қатаң сақтауға, өзімнің барлық іс-әрекеттерімде заңдылық пен әділеттілік, азаматтық, ұлтаралық және конфессияаралық келісім қағидаттарын ұстануға, Қазақстан халқына адал қызмет етуге, менің елімнің әлемдік қоғамдастықтағы мемлекеттілігі мен беделін нығайтуға ант етемін. Ант етемін», — деді Ербол Мырзабосынов.
Қазақстанның жаңа туризм және спорт министрі Ербол Мырзабосынов туралы не белгілі екенін мына жерден оқи аласыз.
