Прокурорлар Жаңаөзен қаласының 152 мың тұтынушының құқықтарын қорғады

Атап айтқанда, осы қызметтер үшін жалпы сома қалалық мәслихаттың шешімімен бекітілген қалдықтарды жинау, тасымалдау, сұрыптау және көму үшін барлық тарифтердің қосындысы есебінен қалыптастырылады.

Осылайша, қала тұрғындары үшін тариф 433,46 теңгені құрайды, оның 87,87 теңгесі қалдықтарды сұрыптау үшін алынды. ​

Сонымен бірге 2023 жылғы қарашадан бастап қатты тұрмыстық қалдықтарды сұрыптау жүзеге асырылмаған.

«Яғни, 152 мыңнан астам тұтынушы, оның ішінде 1556 шаруашылық жүргізуші субъектілер жалпы сомасы 117 млн теңгеге қызмет ақысын артық төледі.»Маңғыстау облысының прокуратурасы

Прокурорлық қадағалау актісіне сәйкес қалдықтарды сұрыптау тарифі тоқтатылды, негізсіз өндірілген сомалар қайта есептелуде.

Жаңаөзен қаласы әкімдігінің кінәлі лауазымды тұлғасы тәртіптік жауаптылыкқа тартылды.