Қазақстандықтар енді кешкі 8-ден кейін жедел жәрдем шақыра алмайды
Денсаулық сақтау министрі жаңа ережені түсіндірді.
Министрдің айтуынша, жаңа ережелер бойынша қоғамдық талқылау жақында ғана аяқталған, құжат әлі бекітілмеген, деп хабарлайды 247media.kz
Жаңа ережеге сәйкес, 4-санаттағы науқастар жұмыс күндері және сенбі күндері сағат 08:00-ден 20:00-ге дейін ғана жедел жәрдем шақыра алады.
Қалған уақытта олар медициналық мекемелердің жедел жәрдем бөліміне өз бетінше баруы қажет.
«Бастапқыда бұйрық жобасында жедел медициналық жәрдем қызметі 1, 2 және 3 санаттағы науқастарға тәулік бойы қызмет көрсететіні және жұмыс істейтіні айтылған. Ал 4-санаттағы науқастарға алғашқы медициналық-санитарлық көмек көрсетіледі. Медициналық көмек көрсетудің қолжетімділігі мен жылдамдығын қамтамасыз ету мақсатында 4-санаттағы науқастарды түнгі уақытта жедел медициналық жәрдем станциясына көшіру, ал поликлиникаларда жұмыс уақытын сағат 08:00-ден 20:00-ге дейін қалдыру ұсынылады»,-деді Әлназарова.
