Қазақстандағы алаяқтық қарқын алып келеді
Қазақстанда соңғы кездері жалған сот қызметкерлеріне қатысты алаяқтық оқиғалары жиілеп кетті. Осылайша, алаяқтар әлеуетті жәбірленушілерге телефон соғып, өздерін мемлекеттік немесе жеке сот орындаушылары деп таныстырады, деп хабарлайды 247media.kz
Олар банк шоттарын жауып, дүние-мүлкіне тыйым саламыз деп қорқытып, қарызды өтеуді талап етіп отыр. Содан кейін алаяқтар өздерінің стандартты әдістерін қолданып, сенгіш және қорқытқан азаматтардың ақшасын ұрлайды.
Алаяқтарды әшкерелеуге маманданған AQPARAT SAQSHYSY Telegram арнасының сарапшылары:
- «Егер сізге күдікті қоңырау немесе хабарлама түссе, сіз ресми сайттардағы қарыздар туралы ақпаратты өз бетіңізше тексеруіңіз керек».
- Атқарушылық іс жүргізудің бар-жоғы туралы ақпаратты тексеру үшін интернет-браузердің іздеу жүйесіне «Атқарушылық іс жүргізудің автоматтандырылған ақпараттық жүйесін» немесе жай ғана атқарушылық іс жүргізу органдарының автоматтандырылған ақпараттық жүйесін енгізу керек.
- Одан кейін «Борышкерлер және тыйым салулар тізілімі» қойындысын таңдап, ЖСН (немесе толық аты-жөнін) енгізу керек. Осындай тексеруді атқарушылық іс жүргізу органдарының автоматтандырылған ақпараттық жүйесінің мобильді қосымшасы арқылы жүзеге асыруға болады.
- Егер сіз борышкер болсаңыз, қарызыңыз туралы ақпарат және сот орындаушысының байланыс деректері шығарылады.
- Егер сіз борышкер болмасаңыз, «Сұрауыңыз бойынша ештеңе табылмады» хабары қызғылт сары түспен көрсетіледі.
«Сосын ешкімді (жалған сот орындаушылар) тыңдамаңыздар. Өйткені, нақты қарыздар болмайынша, ешкім сіздің есепшоттарыңыз бен мүлктеріңізді тартып ала алмайды», – делінген хабарламада.
Сонымен қатар, жалған сотқа байланысты алаяқтық Қазақстанда жиілеп барады. Сарапшылар алаяқтықтың алдын алуға және жеке қауіпсіздікті сақтауға көмектесетін маңызды ұсыныстар берді.
