Ақтау кентінде жаңа Конституция жобасы түсіндірілуде

Теміртау қалалық коалициясының мүшелері жаңа Конституция жобасын насихаттау аясындағы ақпараттық кездесулерді жалғастырып келеді. Бүгін коалиция өкілдері «Ақтау» мәдени-демалыс орталығы КМҚК қызметкерлерімен жүздесіп, конституциялық өзгерістердің мазмұны мен қоғам үшін маңызына тоқталды.

Кездесу еркін форматта өтті. Қатысушылар ұсынылып отырған реформалардың ел дамуына ықпалы жөнінде өз пікірлерін білдіріп, көкейдегі сауалдарын қойды. Ашық диалог алаңы жаңа Конституция жобасын жан-жақты түсіндіруге және азаматтық белсенділікті арттыруға мүмкіндік берді.