Қарағанды облысында 2025–2027 жылдарға арналған үш жылдық бюджет бекітілді
Қарағанды облыстық мәслихатының кезекті ХХ сессиясында өңірдің 2025–2027 жылдарға арналған бюджеті бекітілді. Негізгі қаржы құжаты әлеуметтік салаға бағдарланған күйінде қалып отыр.
Қаржы басқармасының басшысы Людмила Башарина баяндағандай, білім беру, денсаулық сақтау, мәдениет, спорт, жастар саясатын іске асыру және әлеуметтік саланың басқа да бағыттарына шығындардың жалпы көлемінің 64,1%-ын бағыттау жоспарланған. Экономиканың нақты секторын дамытуға 21,1% көзделген.
Облыстың республикалық бюджетінен нысаналы трансферттер мен бюджеттік кредиттер бөлінеді.
– Осы қаражат есебінен жылумен, сумен және газбен жабдықтауды, көлік инфрақұрылымын дамыту, әлеуметтік нысандар салу саласындағы жобаларды іске асыру жалғастырылады. Ауыл халқының табысын арттыру және АӨК-дегі инвестициялық жобаларға несие беру жөніндегі жобаны масштабтау жалғасады, – деп атап өтті Людмила Башарина. – Жалпы ұсынылған бюджет әлеуметтік бағытталған, экономиканың барлық салаларын қамтиды және экономикалық тиімді бағдарламаларға бағытталған.
Облыс әкімі Ермағанбет Бөлекпаев өмір сүру сапасын арттыру және халықтың әл-ауқатын жақсарту маңызды басымдықтар болып қала беретінін атап өтті.
– Ұсынылған облыстық бюджет мемлекеттің барлық әлеуметтік міндеттемелерін орындауға, сондай-ақ экономиканың тұрақты дамуына бағытталған. Ел Президенті елдің 2029 жылға дейінгі ұлттық даму жоспарын бекітті. Біздің алдымызда 2026 жылға қарай экономиканың кемінде 3,7%-ға өсуін қамтамасыз ету міндеті тұр. Халықтың әл-ауқатын арттыру және өмір сүру жағдайын жақсарту басты мақсат болып қала береді, – деді өңір басшысы.
