Қарағандылық ұландық Қорғаныс Министрінің самбо күресінен өткізілген ашық чемпионатында топ жарды
Ағымдағы жылдың 26-30 наурыз күндері арасында еліміздің оңтүстік астанасы атанған Алматы қаласында орналасқан армияның орталық спорт клубының базасында самбо спортынан Қазақстан Республикасы Қорғаныс Министрінің ашық чемпионаты өткізілді. Аталмыш сайыс, Ұлы отан соғысындағы жеңістің 80 жылдығына және Кеңес Одағының батыры Әлия Молдағұлованың 100 жылдығына арналғып ұйымдастырылды.
Күштік құрылымдар өзара бақ сынасқан бұл дүбірлі додаға Ұлттық ұланның құрама командасыда қатысты. Сондай-ақ, бұл сайыста Ұлттық ұланның намысын қорғап «Орталық» өңірлік қолбасшылығы 5451 әскери бөлімінің әскери қызметшісі қатардағы Болат Сапарда күш сынасты. Бәсекеге толы болған сайыс қорытындысы бойынша 98 келіге дейінгі санатта өз күшін сынаған Болат Сапар жүлделі бірінші орын иеленді. Қарағандылық ұландықтың бұл жеңісі Ұлттық ұлан құрама командасының сайыс қорытындысы бойынша командалық есепте екінші орын алуына көмектесті.
ҚР ІІМ ҰҰ «Орталық» ӨңҚ Баспасөз қызметі
