Головкин Альвареске қарсы жекпе-жек алдында ашық мәлімдеме жасады
Қазақстандық боксшы Геннадий Головкин мексикалық Сауль Альвареске қарсы жекпе-жек алдында өзін қалай сезінетінін айтты, деп хабарлайды Prosports.kz.
«Әрине, мен өзімді жайлы сезінемін. 40 жасымда 12 жылдан аса уақыт бойы орта салмақта чемпион болдым. Ұзақ уақыттан бері қандай да бір белбеулер бар. Менің тәжірибем, жасым және күшім – бәрі бар. Бәрі менімен бірге. Қазір осы жекпе-жекке шыққанда, маған ешкімге ештеңе көрсетудің, ештеңе дәлелдеудің, қандай да бір техниктің маскасымен немесе басқа біреу болып шығудың, басқа стиль көрсетудің қажеті жоқ деп ойлаймын.
Мен бұл жекпе-жекке 40 жастағы боксшы ретінде шығатыныма сенімдімін. Қалай болғанда да, бір Құдай біледі. Маған ештеңе керек емес, дәлелдемеу керек, біреуге бірдеңе көрсетпеу керек. Дәл осы жағдай 30 жасыма қарағанда 40 жасымда мені мықтырақ етеді. 30 жасыңда әлі де қандай да бір рекордтар орнатуға тырысасың немесе нокаут іздейсің. Мұнда – жоқ. Бұл жерде бүкіл кезеңде қалыптасқан тәжірибемен шығасың», – деді Головкин The fight with Teddy Atlas-қа берген сұхбатында.
Головкин мен Альварес трилогиясы 17 қыркүйекте Лас-Вегаста өтеді. Қазақстандықтар бұл кездесуді 18 қыркүйекте таңатпай тамашалай алады.
