Іскер әйелдер қауымдастығы өкілдерімен кездесу өтті

Теміртау қаласында жаңа Конституция жобасын түсіндіруге арналған кездесулер жалғасуда. Бүгін қалалық коалиция мүшелері Іскер Әйелдер Ассоциациясы (АДЖК) өкілдерімен кездесіп, ақпараттық-түсіндіру жұмыстарын жүргізді.

Кездесу барысында қатысушыларға Қазақстан Республикасының жаңа Конституциясы жобасының негізгі бағыттары, ұсынылып отырған өзгерістер және алдағы референдумның маңыздылығы жан-жақты түсіндірілді. Әсіресе конституциялық реформалардың қоғам дамуына, азаматтардың құқықтары мен мүмкіндіктерін кеңейтуге бағытталғаны атап өтілді.

Жиын ашық диалог форматында өтті. Ассоциация өкілдері өздерін қызықтырған сұрақтарын қойып, пікір алмасты. Коалиция мүшелері көтерілген мәселелерге жауап беріп, жаңа Конституция жобасының мазмұны мен маңызын түсіндірді.

Мұндай кездесулер түрлі қоғамдық ұйымдармен өзара пікір алмасуға мүмкіндік беріп, азаматтарды маңызды қоғамдық-саяси үдерістер туралы ақпараттандыруға ықпал етеді.