Теміртауда «Жасыл ел» еңбек жасағының алғашқы маусымы қорытындыланды

Теміртауда «Жасыл ел» жастар еңбек жасақтарының бірінші маусымы аяқталды. Маусым айында Теміртау қаласы мен Ақтау кентінің аумағын тазалау, абаттандыру және көгалдандыру бойынша ауқымды жұмыстарды 283 жауынгер бастады. Жастардың бұл бастамасы қала тұрғындары мен қонақтарының көңілінен шықты.

– Бірінші маусымда біз 130 мекенжайды ретке келтірдік, 120 мекенжайдан қоқыс шығардық. Бұл 1, 2, 5, 6 және 8 шағын аудандары, сондай-ақ Ескі қала, стадион, саябақтар мен скверлер аудандарының аумақтары, – дейді «Жасыл ел» жобасының бас үйлестірушісі Мирас Яуда
Жұмыс барысында жауынгерлердің денсаулығы мен еңбек қауіпсіздігіне ерекше назар аударылды. Барлық балалар алдымен «Qarmet» компаниясының қауіпсіздік техникасы бойынша әртүрлі тренингтерден өтіп, емтихан тапсырды. Балалар қаланы абаттандырумен айналысқаннан басқа, олар үшін танымдық ойындар мен пайдалы іс-шаралар ұйымдастырылды.
– Маусым өте жақсы өтті. Біз бәріміз өте достықта болдық, бір-бірімізге көмектестік. «Жасыл ел» туралы өз сыныптастарымнан білдім, олар бұрын осы жерде жұмыс істеген. Мен де жазымды өнімді өткізгім келді, сондықтан «Жасыл елде» жұмыс істеуді шештім, – дейді «Жасыл ел» жасағының жауынгері Камилла Қасымова.
Маусымның жабылу салтанатында барлық жауынгерлер жиналды. Ұйымдастырушылар адал еңбегімен көзге түскен және белсенді қызметкер ретінде көрінгендерге алғыс хаттар мен естелік сыйлықтар табыстады.
Айта кетейік, биылғы жазда «Жасыл ел» жасақтарына мыңнан астам жас қабылданады. Бұл өткен жылмен салыстырғанда екі есе көп. Олардың барлығы үш маусымға бөлінді. Жобаның басты мақсаты — еңбекке деген сүйіспеншілікті оятып, қаланың тазалығын сақтауды үйрету. Сонымен қатар, қазіргі уақытта бұл 14 жастан бастап жасөспірімдерді ресми түрде жұмысқа орналастырудың жалғыз мүмкіндігі. Екінші маусымда жұмысқа 430 жауынгер кіріседі.
Теміртау тұрғындары мен жасақ қатысушылары келесі маусымда да осындай ынта-жігермен жұмысты жалғастыратынына сенімді. «Жасыл ел» жобасы жастардың еңбекке деген қызығушылығын арттырып қана қоймай, қала тұрғындарының өмір сүру сапасын да жақсартуға бағытталған маңызды бастама болып қала береді.

Өз тілшімізден