Қарағанды облысының барлық қалалары мен аудандарында инватакси қызметі қолжетімді

Қарағанды облысында соңғы үш жылда инватакси көліктерінің саны үш есеге артты. Бүгінде олардың саны 118-ге жетті. Мүгедектігі бар адамдар бұл қызметті барлық қалалар мен аудандарда пайдаланады.

«Инватакси қызметімен қамту жыл сайын өсуде. Егер 2021 жылы қызмет облыстың сегіз аймағында жұмыс істесе және 35 машина болса, үш жыл ішінде тағы бес аймақ қосылып, 118 көлік болды. Қазір қызмет бүкіл облыс бойынша қолжетімді», – деп хабарлады жұмыспен қамтуды үйлестіру және әлеуметтік бағдарламалар басқармасында.

Сонымен қатар, инватаксиді пайдалануға құқылы адамдар тізімі де көбейді. Бастапқыда бұл қызмет тірек-қимыл аппараты, көру қабілеті бұзылған адамдарға ғана арналған еді. Өткен жылдан бастап олардың қатарына психикалық ауытқулары бар балалар қосылды.

– Менің ұлым төрт жаста, оған ДЦП диагнозы қойылған. Астана қаласынан Қарағандыға жиі мамандар мен жаттықтырушылар келеді. Біз Абай қаласында тұратындықтан, олардың қабылдауына бару қиын болатын, өйткені екі апта қатарынан ем алу үшін бару керек еді. Автобуспен ерекше баламен жүру қиын, ал такси қымбат. Жақында біздің қалада инватакси қызметі жұмыс істей бастады. Бұл өте ыңғайлы болды: жүргізушілер сыпайы, апарады, күтеді және қайта алып кетеді. Осындай қолдау көрсеткені үшін мемлекетімізге алғыс айтамын, – деп бөлісті Абай қаласының тұрғыны Мөлдір.

– Бұл мүгедек адамдардың өмірін жеңілдететін керемет жоба. Инватакси өте ыңғайлы: сізді кіреберістен алып, қажетті жерге жеткізеді. Мен бұл қызметті үнемі қолданамын. Егер бұл бір кездері таңсық болса, қазір ол әбден үйреншікті жағдайға айналды. Ешқандай проблема жоқ, машиналар жеткілікті, – дейді Qamqor plus мүгедектер қоғамдық бірлестігінің төрағасы, Қарағандыдағы Тen Qogam мүгедектігі бар адамдарды әлеуметтік бейімдеу орталығының басшысы Нияз Сүндеталиев. – Жақында пайдаланушылар тізімі кеңейтілуі мүмкін. Облыс әкімі жұмыспен қамтуды үйлестіру және әлеуметтік бағдарламалар басқармасына 18 жастан асқан ақыл-есі кем адамдарға да бұл қызметті тегін көрсету мәселесін қарауды тапсырды.

Өтініш беру үшін арнайы чат бар. Өтңнім жоспарланған сапардан бір күн бұрын беріледі. Диспетчермен уақыт келісіледі.

Қызмет ашық және жариялы юолуы үшін Қарағандыда ONAY! жүйесі енгізілді. Инватаксиде валидаторлар орнатылған, олар әр сапарды тіркейді.