Қарағандыда жол ережесін бұзғандарды анықтау үшін «Оракул» бағдарламалық кешені бар автобустар іске қосылды

Осы жылдың 9 айында Қарағанды облысының аумағында 630 ЖКО тіркелді, онда 117 адам қаза тауып, 844 адам жарақат алды. 

Қарағанды жолдарындағы апатты азайту үшін бүгін «Оракул» бағдарламалық кешенімен жабдықталған автобустар сынақ режимінде желіге шықты.

– Дәл бүгін тест режимінде біз жол қозғалысы ережелерін бұзушылықтарды тіркеу үшін «Оракул» бағдарламалық кешені бар маршруттық автобустарды іске қосамыз. Көлік Қарағанды бойынша жүретін болады. Бұл шаралар апат пен жарақаттануды азайтуға бағытталған, – дейді облыс ПД бастығының бірінші орынбасары Жасқайрат Қайыров. – Сондай-ақ, осы жылдың тамыз айында біз жасырын патрульдеуді енгіздік, онда түрлі-түсті графикалық белгісі жоқ қызметтік автокөліктерде бағдарламалық кешендер орнатылды. Мұның мақсаты әкімшілік айыппұл салу емес, жол қозғалысы ережелерін бұзушыларды анықтау.

Жалпы, Қарағанды өңірінің қалалары мен облыс орталығында жол қозғалысы ережелерін бұзушылықтарды тіркеу бойынша 180-нен астам бағдарламалық кешен орнатылған,

оның ішінде «Аргус-жаяу жүргінші” кешені де бар.

Сонымен қатар, Ekin Patrol түрлі-түсті графикалық белгісі бар көліктермен автопатрульдеу жүріп жатыр.

Осы шаралардың барлығы апат пен жарақаттануды азайтуға бағытталған.