Қарағандыда тұрмыстық зорлық-зомбылық құрбандарына көмек көрсету орталығы ашылды
Қарағандыда тұрмыстық зорлық-зомбылық құрбандарын қолдау орталығы ашылды. Мұнда екі күннен бір айға дейін уақытша тұруға болады.
Орталықта құқықтық, психологиялық және әлеуметтік көмек көрсетіледі. Бөлме 14 адамға арналған.
тамақ дайындауға арналған ас үй, ванна бөлмелері, кір жуғыш машина және теледидар бар. Жөндеу жұмыстарына және жарақтандыруға қаражат қалалық бюджеттен бөлінді.
– Бір жыл бұрын Қарағандыда республикада алғаш рет отбасын қолдау орталығы ашылды. Ол қиын өмірлік жағдайға тап болғандарға мағыналы көмек көрсетеді. Енді біз тұрмыстық зорлық-зомбылыққа тап болған әйелдерді уақытша орналастыру орталығын ашып, бір қадам алға жылжыдық. Мұндай мекемелердің басты мақсаты – әйелдердің күрделі жағдайда жалғыз қалмауы. Біз жанжалды жағдайларды шешуге көмектесуге тырысамыз, – дейді Қарағанды қаласы әкімінің орынбасары Ләззат Ақылжанова.
Тұрмыстық зорлық-зомбылық құрбандары жеке өтініш негізінде Орталыққа орналастырылуы мүмкін. Отбасы, әйелдер мен балалардың құқықтарын қорғау туралы ақпарат алу үшін 111 нөмірі бойынша байланыс орталығына хабарласуға болады.
Отбасын қолдау орталығының мекенжайы: Чкалов көшесі, 7.
