ҰБТ тапсыруда жасанды интеллект қалай қолданылады
Ол ұлттық жасанды интеллект платформасында бес жобаны жүзеге асыру жоспарланып отырғанын атап өтті.
Олардың қатарында биылғы жылы ҰБТ өткізу ережелері бойынша AI Talapker консультативтік чат-ботын құру, тест тапсыру кезінде академиялық адалдықты арттыру үшін ЖИ-ді пайдалану және ҰБТ тест тапсырмаларын әзірлеу үшін ЖИ-ді енгізу бар.
«Пилоттық режимде біз Цифрландыру министрлігімен бірлесіп ҰБТ-ға тест жасау кезінде жасанды интеллектті қолдануды жоспарлап отырмыз, онда барлық материалдар, пән бойынша барлық силлабустар жүктелетін болады. Тест үлгілерін жасау кезінде жасанды интеллектті қолдануға тырысамыз және оларды сынақтан өткіземіз», – деді Нұрсұлтан Махатов.
Сондай-ақ ЖИ технологияларын Қазақстан экономикасына AI-Sana инновациялық бағдарламасы арқылы енгізу жоспарлануда. Ол 100 мың студентті қамтып, оларға ЖИ-ді экономиканың негізгі салаларында енгізу бойынша білім мен дағдыларды береді.
Жоба жас таланттарды қолдауға және DeepTech стартаптарын құруға бағытталған.
