Петропавлдық ұландықтар қорытынды тексерістен өтті
Ағымдағы жылдың 5-12 қараша аралығында Қазақстан Республикасы Ұлттық ұланы «Орталық» өңірлік қолбасшылығына қарасты Петропавл қаласында орналасқан 6637 әскери бөлімінің әскери қызметкерлері қорытынды тексерістен өтті.
Аталмыш қорытынды тексеріс барысында әскери қызметшілер саптық, мемлекеттік-құқықтық, арнайы, атыс және дене шынықтыру даярлықтары бойынша сынақтар тапсырды.
Сынақтар тапсыру барысында барлық әскери қызметкерлер өздеріне тиесілі бағаны алды. Ал, қорытынды тексеріс 12 қараша күні қорытындылаумен аяқталады. Айта кетер жайт , әскери қызметшілер аталмыш қорытынды тексерістен жылына екі рет өтеді. Сондай-ақ, әрбір төрт жыл сайын арнайы инспекторлық тексерістен өтеді.
ҚР ІІ МҰҰ «Орталық» ӨңҚ Баспасөз қызметі
