Қарағандыда өліммен аяқталған ЖКО-ның себепкері изоляторға қамалды
2 қыркүйекте Lexus автокөлігінің 55 жастағы жүргізушісі Сергей Камаев изоляторға қамалды, деп хабарлайды 247media.kz
Тергеу барысында ер адам көліктің дұрыс жұмыс істемегенін алға тартқан. Барлық дәлелдерді тексеру үшін анықтаушы автотехникалық сараптама тағайындады. Егер тергеу судьясы «қамауда ұстау» санкциясын берсе, ЖКО-ның себепшісі сотқа дейін қамақта болады.
Қарағанды облысы полиция департаментінің анықтау басқармасының бастығы Азамат Ахметов істің полиция департаменті басшылығының жеке бақылауында екенін мәлімдеді.
Еске салайық, 2 қыркүйек күні Қарағандыда жантүршігерлік жол апаты орын алғаны хабарланған болатын. Аманжолов көшесінде Lexus жүргізушісі қатты жылдамдықпен алдындағы көліктерді жайпап өткен. Салдарынан 1 адам қаза тауып, тағы 3 адам ауруханаға жеткізілді. Тергеу жүргізіліп жатыр.
