Бұлақтарды тазарту бойынша экологиялық акция өтті
Теміртау қаласында 11 сәуір күні «Таза Қазақстан» республикалық акциясы аясында бұлақтарды тазарту бойынша экологиялық акция өтті. Іс-шараға «Таза Қазақстан» қозғалысының белсенділері мен қаланың белсенді жастары қатысты.
Акция 8-шағынауданда өтті, мұнда тазарту мен абаттандыруды қажет ететін табиғи бұлақтар орналасқан.
Іс-шараның негізгі мақсаты – табиғи бұлақтарды таза әрі қауіпсіз су көзі ретінде сақтау және қалпына келтіру, сондай-ақ қала мен оның маңындағы қоршаған ортаның жалпы экологиялық жағдайын жақсарту болды.
